സ്കൂൾ വിദ്യാർത്ഥിനിയെ പീഡിപ്പിച്ച 60 കാരന് ഏഴ് വർഷം തടവ്
സൗഹൃദകൂട്ടായ്മ വിഷുക്കോടിയും ചികിത്സാ ധനസഹായവും വിതരണം ചെയ്തു
സൗഹൃദകൂട്ടായ്മ വിഷുക്കോടിയും ചികിത്സാ ധനസഹായവും വിതരണം ചെയ്തു. ബോയ്സ് ഹയർ സെക്കണ്ടറി സ്കൂൾ 2004-2006 ബാച്ചിന്റെ നേതൃത്വത്തിൽ ടൗൺ ക്ലബ്ബിൽ നടന്ന പരിപാടി ആർ രാമചന്ദ്രൻ എം.എൽ.എ ഉദ്ഘാടനം ചെയ്തു. ചടങ്ങിൽ സി ആർ മഹേഷ്‌ ചികിത്സാസഹായം വിതരണം ചെയ്തു. നഗരസഭാ ചെയർമാൻ കോട്ടയിൽ രാജു, കാപ്പക്സ് ചെയർമാൻ പി. ആർ. വസന്തൻ, കൗൺസിലർമാരായ ശാലിനിരാജീവൻ,പടിപ്പുര ലത്തീഫ്, സതീഷ് തേവനത്ത്,കേരള യൂത്ത് പ്രമോഷൻ കൗൺസിൽ ചെയർമാൻ സുമൻജിത്ത് മിഷ എന്നിവർ ആശംസകൾ അർപ്പിച്ചു. രാജ്യത്തിനുവേണ്ടി ജീവത്യാഗം ചെയ്ത സൈനികൻ ദീപക്കിന്റെ സ്മരണർദ്ധമാണ് പരിപാടി സംഘടിപ്പിച്ചത്.സൗഹൃദ കൂട്ടായ്മ ഭാരവാഹികളായ ഡോ. കിഷോർ,അനു. ആർ, ആതിരാ ദീപക്,രാം കിച്ചു, ഗോകുൽ, ഷിബിൻ ദാസ്, സജിത്ത് കൃഷ്ണൻ എന്നിവർ നേതൃത്വം നൽകി. മോഹൻലാൽ ഫാൻസ്‌ അസോസിയേഷൻ പ്രവർത്തകരും പരിപാടിയിൽ പങ്കെടുത്തു.
Popular posts from this blog
കുലശേഖരപുരം ഗ്രാമപഞ്ചായത്ത് പരിധിയില്‍ നിരോധനാജ്ഞ
കുലശേഖരപുരം ഗ്രാമപഞ്ചായത്ത് പരിധിയില്‍ നിരോധനാജ്ഞ. കുലശേഖരപുരം ഗ്രാമപഞ്ചായത്ത് പരിധിയില്‍ രൂക്ഷമായ കോവിഡ് വ്യാപനം കണക്കിലെടുത്ത് 144 വകുപ്പ് പ്രകാരം നാളെ രാവിലെ ആറു മുതല്‍ മെയ് രണ്ടിന് രാവിലെ ആറുവരെ നിരോധനാജ്ഞ പ്രഖ്യാപിച്ചു ജില്ലാ മജിസ്‌ട്രേറ്റുകൂടിയായ ജില്ലാ കലക്ടര്‍ ബി അബ്ദുല്‍ നാസര്‍ ഉത്തരവായി.
സ്കൂൾ വിദ്യാർത്ഥിനിയെ പീഡിപ്പിച്ച 60 കാരന് ഏഴ് വർഷം തടവ്
12 വയസുള്ള സ്കൂൾ വിദ്യാർഥിനിയെ പീഡിപ്പിച്ച അയൽവാസിയായ അറുപതുകാരന് ഏഴു വർഷം തടവും ഒരു ലക്ഷം രൂപാ പിഴയും പോക്സോ കോടതി ശിക്ഷ വിധിച്ചു. 2018-ലാണ് കേസിനാസ്പദമായ സംഭവം നടന്നത്. പ്രതിയുടെ വീട്ടിലെ ഫ്രിഡ്ജിൽ വെള്ളം വയ്ക്കുന്നതിനായി എത്തിയ പെൺകുട്ടിയെ പ്രതി പീഡിപ്പിച്ചതായാണ് പ്രോസിക്യൂഷൻ കേസ്. കരുനാഗപ്പള്ളി ഇൻസ്‌പെക്ടറായിരുന്ന മുഹമ്മദ് ഷാഫിയാണ് കേസ് രജിസ്റ്റർ ചെയ്ത് അന്വേഷണം നടത്തി കുറ്റപത്രം സമർപ്പിച്ചത്. പ്രോസിക്യൂഷൻ ഭാഗത്തുനിന്നും 15 സാക്ഷികളെ വിസ്തരിച്ചു. 15 രേഖകളും ഹാജരാക്കി. കരുനാഗപ്പള്ളി പോക്സോ കോടതി ജഡ്ജി ഉഷാ നായരാണ് ശിക്ഷ വിധിച്ചത്. പ്രോസിക്യൂഷനുവേണ്ടി പബ്ലിക് പ്രോസിക്യൂട്ടർ പി ശിവപ്രസാദ് കോടതിയിൽ ഹാജരായി. പിഴത്തുക അടച്ചില്ലെങ്കിൽ നാലുമാസം കൂടി തടവ് ശിക്ഷ അനുഭവിക്കണമെന്നും ഉത്തരവിൽ പറയുന്നു. പിഴത്തുകയായ ഒരുലക്ഷം രൂപാ അതിജീവതയ്ക്ക് നൽകണമെന്നും വിധിയിലുണ്ട്.
Comments
Post a Comment