സ്കൂൾ വിദ്യാർത്ഥിനിയെ പീഡിപ്പിച്ച 60 കാരന് ഏഴ് വർഷം തടവ്
അതിജീവനത്തിന് പുസ്തകം കൂട്ട് പരിപാടിയുടെ താലൂക്ക്തല ഉദ്ഘാടനം നടന്നു
കേരള സർക്കാരിൻ്റെ വാക്സിൻ ചലഞ്ചിലേക്ക് കരുനാഗപ്പള്ളി താലൂക്ക് ലൈബ്രറി കൗൺസിൽ 1000 ഡോസ് വാക്സിൻ സംഭാവന ചെയ്യും. കോവിഡിൻ്റെ തുടക്കം മുതൽ താലൂക്കിലെ ഗ്രന്ഥശാലകളെ കോർത്തിണക്കി വ്യത്യസ്ഥവും ശ്രദ്ധേയവുമായ നിരവധി പ്രവർത്തനങ്ങൾ താലൂക്ക് ലൈബ്രറി കൗൺസിൽ ഏറ്റെടുത്തിട്ടുണ്ട്. 5000 മാസ്കുകളും 1000 സാനിട്ടൈസറും നിർമ്മിച്ചു നൽകി. 100ഹാൻഡ് വാഷിംഗ് സെൻ്ററുകൾ സ്ഥാപിച്ചു. കമ്യൂണിറ്റി കിച്ചനുകൾക്ക് സഹായമെത്തിച്ചു. ഭക്ഷ്യ, പച്ചക്കറി കിറ്റുകൾ വിതരണം ചെയ്തു. ഓൺലൈൻ പഠന സൗകര്യമൊരുക്കുന്നതിനായി 102ടെലിവിഷൻ സെറ്റുകൾ നല്കി. കോറണ്ടയിൽ കഴിയുന്നവർക്ക് പുസ്തകമെത്തിക്കാൻ സഞ്ചരിക്കുന്ന വായനശാലകൾ പ്രവർത്തിപ്പിച്ചു. CFLTC കളിൽ വിനോദോപാധികൾ ഒരുക്കി. ജില്ലാ കളക്ടറുടെ പുസ്തക ചലഞ്ചിൽ 3000 പുസ്തകങ്ങൾ നല്കി. ഇപ്പോൾ താലൂക്കിലെ ലൈബ്രറികളിൽ വാക്സിനേഷൻ ഹെൽപ്പ് ഡസ്കുകൾ സ്ഥാപിച്ചു. ഈ പ്രവർത്തനങ്ങൾക്കനുബന്ധമായാണ് 1000 ഡോസ് വാക്സിൻ നൽകുന്ന അതിജീവനത്തിന് പുസ്തകം സാക്ഷി എന്ന ക്യാമ്പയിൻ ആരംഭിക്കുന്നതെന്ന് താലൂക്ക് ലൈബ്രറി കൗൺസിൽ പ്രസിഡൻ്റ് അഡ്വ.പി.ബി.ശിവനും സെക്രട്ടറി വി.വിജയകുമാറും അറിയിച്ചു. പരിപാടിയുടെ താലൂക്ക്തല ഉദ്ഘാടനം പന്മന ഏ.വൺ ഗ്രന്ഥശാല നൽകിയ സഹായമേറ്റുവാങ്ങി താലൂക്ക് സെക്രട്ടറി വി.വിജയകുമാർ നിർവഹിച്ചു. ഗ്രന്ഥശാലാ വൈ. പ്രസിഡൻ്റ് മുകേഷ് അദ്ധ്യക്ഷനായി. സെക്രട്ടറി ജെയിംസ് സ്വാഗതം പറഞ്ഞു. താലൂക്ക് കൗൺസിൽ അംഗം വി.എം.ജോയ് ആശംസയർപ്പിച്ചു.
എക്സി.അംഗം സോളമൻ നന്ദി രേഖപ്പെടുത്തി
Popular posts from this blog
അക്ഷരപ്പുര കൃഷിയിടത്തിലേക്ക് പദ്ധതി തുടങ്ങി
ക്ലാപ്പന 'അക്ഷരപ്പുര കൃഷിയിടത്തിലേക്ക്' പദ്ധതി തുടങ്ങി. ഗ്രന്ഥശാലയോട് ചേർന്ന പുരയിടത്തിൽ ഉമ നെൽവിത്ത് വിതച്ച് താലൂക്ക് ലൈബ്രറി കൗൺസിൽ സെക്രട്ടറി വി വിജയകുമാർ ഉദ്ഘാടനം ചെയ്തു. വിവിധ ഇനത്തിൽപ്പെട്ട പച്ചക്കറിത്തൈകളും ഇതിനോടനുബന്ധിച്ച് നട്ടു. കർഷക തൊഴിലാളികളായ ദിവാകരനെയും ബാബുവിനെയും രമേശനെയും ചടങ്ങിൽ ആദരിച്ചു. മുൻ ജില്ലാ പഞ്ചായത്ത് പ്രസിഡന്റ് സി.രാധാമണി, ഓച്ചിറ ബ്ബോക്ക് പഞ്ചായത്ത് പ്രസിഡന്റ് ദീപ്തി രവീന്ദ്രൻ , ക്ലാപ്പന ഗ്രാമ പഞ്ചായത്ത് പ്രസിഡന്റ് മിനിമോഹനൻ എന്നിവരാണ് കർഷകത്തൊഴിലാളികളെ ആദരിച്ചത്. ക്ലാപ്പന കൃഷി ഓഫീസർ ആർ മീര, അസി:കൃഷി ഓഫീസർ ഷൂജാഖാൻ , ഗ്രന്ഥശാലാ സെക്രട്ടറി എൽ കെ ദാസൻ തുടങ്ങിയവർ സംസാരിച്ചു.
ആധുനിക അടുക്കളയുടെ ഉദ്ഘാടനം ജൂൺ 30ന്
കരുനാഗപ്പള്ളി ഗേൾസ് ഹൈസ്കൂളിൽ അത്യാധുനിക രീതിയിൽ നിർമ്മിച്ച ഹൈടെക് അടുക്കളയുടെ ഉദ്ഘാടനം ജൂൺ 30ന്. ജംബോ സ്റ്റീം ബോയിലർ സംവിധാനത്തിൽ ഒരേ സമയം 50 കിലോഗ്രാം ശേഷിയുള്ള രണ്ട് റൈസ് കുക്കറുകളും രണ്ട് വെജിറ്റബിൾ കുക്കിംഗ് വെസ്സൽസും, മിൽക്ക് വെൽസും ഉൾപ്പെടുന്ന ആധുനിക രീതികളാണ് ഒരുക്കിയിരിക്കുന്നത്. പാത്രം കഴുകി വൃത്തി യായി വരുന്ന പോസ്റ്റ് ക്ലീനിംഗ് വെസ്സൽസ്, ഭക്ഷ്യധാന്യങ്ങൾ കേടു കൂടാതെ സൂക്ഷിക്കുന്നതിനുള്ള സ്റ്റോർ റൂം സൗകര്യവും ഒരേ സമയം 100 ലധികം വിദ്യാർത്ഥി കൾക്ക് ഭക്ഷണം കഴിക്കാവുന്ന ഡൈനിംഗ് ഏരിയയും കെട്ടിടത്തിന്റെ പ്രത്യേകതകളാണ്. ആർ രാമചന്ദ്രൻ എം എൽ എയുടെ പ്രത്യേകവികസന നിധിയിൽ നിന്നുമുള്ള 25 ലക്ഷം രൂപയും പുറമെ സ്കൂൾ മാനേജ്മെന്റിന്റെ 25 ലക്ഷത്തോളം രൂപയും ചിലവാക്കി 2500 സ്ക്വയർ ഫീറ്റിൽ രണ്ട് നിലകളിലായി നിർമ്മിച്ചിരിക്കുന്നത്. 2021 ജൂൺ 30 ബുധനാഴ്ച വൈകിട്ട് 3 മണിക്ക് സ്കൂൾ ഗ്രൗണ്ടിൽ കോവിഡ് മാനദണ്ഡങ്ങൾ പാലിച്ചുകൊണ്ട് നടക്കുന്ന ചടങ്ങിൽ കരുനാഗപ്പള്ളിയുടെ മുൻ എം എൽ എ ആർ രാമചന്ദ്രൻ ഉദ്ഘാടനം നിർവ്വഹിക്കും.
കുലശേഖരപുരം ഗ്രാമപഞ്ചായത്ത് പരിധിയില്‍ നിരോധനാജ്ഞ
കുലശേഖരപുരം ഗ്രാമപഞ്ചായത്ത് പരിധിയില്‍ നിരോധനാജ്ഞ. കുലശേഖരപുരം ഗ്രാമപഞ്ചായത്ത് പരിധിയില്‍ രൂക്ഷമായ കോവിഡ് വ്യാപനം കണക്കിലെടുത്ത് 144 വകുപ്പ് പ്രകാരം നാളെ രാവിലെ ആറു മുതല്‍ മെയ് രണ്ടിന് രാവിലെ ആറുവരെ നിരോധനാജ്ഞ പ്രഖ്യാപിച്ചു ജില്ലാ മജിസ്‌ട്രേറ്റുകൂടിയായ ജില്ലാ കലക്ടര്‍ ബി അബ്ദുല്‍ നാസര്‍ ഉത്തരവായി.
Comments
Post a Comment