സ്കൂൾ വിദ്യാർത്ഥിനിയെ പീഡിപ്പിച്ച 60 കാരന് ഏഴ് വർഷം തടവ്
ബി സി ലൈബ്രറിയിൽ വായനാ വാരാചരണവും പഠനോപകരണ വിതരണവും സംഘടിപ്പിച്ചു.
ചവറ ബി സി ലൈബ്രറിയുടെ ആഭിമുഖ്യത്തിൽ വായനാ വാരചാരണവും കുട്ടികൾക്ക് പുസ്തക വിതരണവും നടത്തി. പരിപാടി ചവറ എം എൽ എ ഡോ സുജിത്ത് വിജയൻപിള്ള ഉദ്ഘാടനം ചെയ്തു. വായനാ ദിനത്തോട് അനുബന്ധിച്ച് നടത്തിയ മത്സരത്തിൽ വിജയികളായവർക്ക് സമ്മാന ദാനം എം എൽ എ നിർവഹിച്ചു.
ഇൻ്റർനാഷണൽ സിനിമ ഫെസ്റ്റിവൽ ഇടം പിടിച്ച കപ്പേള എന്ന ചലച്ചിത്രത്തിൻ്റെ നിർമാതാവ് ലൈബ്രറി അംഗം വിഷ്ണു വേണുവിന് ലൈബ്രറി ആദരവ് നൽകി. ലൈബ്രറി പ്രസിഡൻ്റ് ശരത് ചന്ദ്രൻ അധ്യക്ഷനായിരുന്ന ചടങ്ങിൽ ലൈബ്രറി സെക്രട്ടറി അഭിലാഷ് ചന്ദ്രൻ സ്വാഗതം പറഞ്ഞു. ജനപ്രതിനിധികളായ സുരേഷ് കുമാർ, കുറ്റിയിൽ ലത്തീഫ്, ലൈബ്രറി താലൂക് കമ്മറ്റി അംഗം രഘുനാഥ്, പ്രമോദ് കുമാർ, ജോൺസൺ, ജോർജ്, പ്രിജി, അജേഷ്, നിഖിൽ എന്നിവർ സംസാരിച്ചു.
Popular posts from this blog
അക്ഷരപ്പുര കൃഷിയിടത്തിലേക്ക് പദ്ധതി തുടങ്ങി
ക്ലാപ്പന 'അക്ഷരപ്പുര കൃഷിയിടത്തിലേക്ക്' പദ്ധതി തുടങ്ങി. ഗ്രന്ഥശാലയോട് ചേർന്ന പുരയിടത്തിൽ ഉമ നെൽവിത്ത് വിതച്ച് താലൂക്ക് ലൈബ്രറി കൗൺസിൽ സെക്രട്ടറി വി വിജയകുമാർ ഉദ്ഘാടനം ചെയ്തു. വിവിധ ഇനത്തിൽപ്പെട്ട പച്ചക്കറിത്തൈകളും ഇതിനോടനുബന്ധിച്ച് നട്ടു. കർഷക തൊഴിലാളികളായ ദിവാകരനെയും ബാബുവിനെയും രമേശനെയും ചടങ്ങിൽ ആദരിച്ചു. മുൻ ജില്ലാ പഞ്ചായത്ത് പ്രസിഡന്റ് സി.രാധാമണി, ഓച്ചിറ ബ്ബോക്ക് പഞ്ചായത്ത് പ്രസിഡന്റ് ദീപ്തി രവീന്ദ്രൻ , ക്ലാപ്പന ഗ്രാമ പഞ്ചായത്ത് പ്രസിഡന്റ് മിനിമോഹനൻ എന്നിവരാണ് കർഷകത്തൊഴിലാളികളെ ആദരിച്ചത്. ക്ലാപ്പന കൃഷി ഓഫീസർ ആർ മീര, അസി:കൃഷി ഓഫീസർ ഷൂജാഖാൻ , ഗ്രന്ഥശാലാ സെക്രട്ടറി എൽ കെ ദാസൻ തുടങ്ങിയവർ സംസാരിച്ചു.
ആധുനിക അടുക്കളയുടെ ഉദ്ഘാടനം ജൂൺ 30ന്
കരുനാഗപ്പള്ളി ഗേൾസ് ഹൈസ്കൂളിൽ അത്യാധുനിക രീതിയിൽ നിർമ്മിച്ച ഹൈടെക് അടുക്കളയുടെ ഉദ്ഘാടനം ജൂൺ 30ന്. ജംബോ സ്റ്റീം ബോയിലർ സംവിധാനത്തിൽ ഒരേ സമയം 50 കിലോഗ്രാം ശേഷിയുള്ള രണ്ട് റൈസ് കുക്കറുകളും രണ്ട് വെജിറ്റബിൾ കുക്കിംഗ് വെസ്സൽസും, മിൽക്ക് വെൽസും ഉൾപ്പെടുന്ന ആധുനിക രീതികളാണ് ഒരുക്കിയിരിക്കുന്നത്. പാത്രം കഴുകി വൃത്തി യായി വരുന്ന പോസ്റ്റ് ക്ലീനിംഗ് വെസ്സൽസ്, ഭക്ഷ്യധാന്യങ്ങൾ കേടു കൂടാതെ സൂക്ഷിക്കുന്നതിനുള്ള സ്റ്റോർ റൂം സൗകര്യവും ഒരേ സമയം 100 ലധികം വിദ്യാർത്ഥി കൾക്ക് ഭക്ഷണം കഴിക്കാവുന്ന ഡൈനിംഗ് ഏരിയയും കെട്ടിടത്തിന്റെ പ്രത്യേകതകളാണ്. ആർ രാമചന്ദ്രൻ എം എൽ എയുടെ പ്രത്യേകവികസന നിധിയിൽ നിന്നുമുള്ള 25 ലക്ഷം രൂപയും പുറമെ സ്കൂൾ മാനേജ്മെന്റിന്റെ 25 ലക്ഷത്തോളം രൂപയും ചിലവാക്കി 2500 സ്ക്വയർ ഫീറ്റിൽ രണ്ട് നിലകളിലായി നിർമ്മിച്ചിരിക്കുന്നത്. 2021 ജൂൺ 30 ബുധനാഴ്ച വൈകിട്ട് 3 മണിക്ക് സ്കൂൾ ഗ്രൗണ്ടിൽ കോവിഡ് മാനദണ്ഡങ്ങൾ പാലിച്ചുകൊണ്ട് നടക്കുന്ന ചടങ്ങിൽ കരുനാഗപ്പള്ളിയുടെ മുൻ എം എൽ എ ആർ രാമചന്ദ്രൻ ഉദ്ഘാടനം നിർവ്വഹിക്കും.
കുലശേഖരപുരം ഗ്രാമപഞ്ചായത്ത് പരിധിയില് നിരോധനാജ്ഞ
കുലശേഖരപുരം ഗ്രാമപഞ്ചായത്ത് പരിധിയില് നിരോധനാജ്ഞ. കുലശേഖരപുരം ഗ്രാമപഞ്ചായത്ത് പരിധിയില് രൂക്ഷമായ കോവിഡ് വ്യാപനം കണക്കിലെടുത്ത് 144 വകുപ്പ് പ്രകാരം നാളെ രാവിലെ ആറു മുതല് മെയ് രണ്ടിന് രാവിലെ ആറുവരെ നിരോധനാജ്ഞ പ്രഖ്യാപിച്ചു ജില്ലാ മജിസ്ട്രേറ്റുകൂടിയായ ജില്ലാ കലക്ടര് ബി അബ്ദുല് നാസര് ഉത്തരവായി.
Comments
Post a Comment